السلام عليكم ورحمة الله وبركاته
اخواني اعضاء سحر الغرام وزوار همس المشاعر تحديدا
احنا كلنا عارفين ان القسم ده من اسمه بيدل على الاحساسيس والمشاعر
انا اللي عايزه منكم شويه شروط نتبعها كلنا عشان نوصل بالقسم ده للاحسن ان شاء الله
اولا:
لازم يكون الموضوع من الابداع الشخصي يعني ممنوع النقل في القسم ده حتى لو كان الموضوع بيخص القسم
والا انا حضطر اسف اني احذف الموضوع وبصراحه مش بيهون عليا اضيع تعب انسان
((( تعديل بسيط بس لاننا حبينا نشمل القسم بأكبر عدد ممكن من المواضيع عن الحب ... تقدر تنقل اي موضوع يخص الحب والكلام عنه)))
ثانيا:
انا عايز من اي واحد فيكم يكتب اي حاجه والله اي حاجه مهما كانت يعني عايز من الكل يتعلموا ازاي يمسكوا القلم
ويخرجوا اللي جواهم وزي ما قلنا القسم ده للابداع الشخصي يعني انا حكون فرحان جدا لو انسان فيكم كتب كلمه الكل حسها
ثالثا :
انا ححدد نسبة المشاركه اليوميه من الجميع وانا اولكم موضوعين في اليوم والزياده حضطر اني احذفه وانا اسف والله
بس لازم نوزع مجهودما على جميع الاقسام عشان نوصل للاحسن ونقدر نفيد على قد ما نقدر (تومام)
رابعا:
انا طلبت من الكل انه بحاول يكتب وده اللي انا بتمناه والله لان كل واحد فينا جواه انسان رومانسي حتى لو هوا ما كنش شايفه
انا بحاول اني اخرجه من جواكم بس ساعدوني وليا شرط عندكم (استحملوني) انا عايز من الموضوع اللي بتكتبه انه يكون
واضح للجميع وافكاره مترتبه لان ده حيخلي منك انسان الكل بيتابعك وبيتابع مواضيعك وكتاباتك
خامسا:
انا مش عايز اي حد يتردد انه يكتب لان القافيه مش شرط في القسم اعتبر نفسك انك بتكتب خاطره وده المهم انك تكتب
وانا مستني من الكل احلى واجمل كلام يعبر عن اللي جواه من مشاعر
ارجو اني اكون وضعت قوانين بسيطه للجميع وسهلة التعامل
ارجو من الكل الاطلاع عليها حتى لا يتعرض موضوعه للحذف او الاغلاق
وخالص شكري لكل انسان بيساعد عشان نكون الاحسن
31/8/2017, 22:31
